«Сабантуй» журналының август санын көтегез!

«Сабантуй» журналы байый! Яңа рубрикалар, кызыклы уеннар, эчтәлекле язмалар ай саен артып бара. Журналның август саны да укучыларны берничә яңа рубрика белән сөендерәчәк. «Татлы баттл», «Татар баласы», «Тәҗрибә», «Zooдөнья» шундыйлардан. Аларның һәркайсын укып кына түгел, карап та була әле! Телефонны журнал битендәге куар-кодка якын китерәсең дә бик тә кызыклы тапшырулар карыйсың. Аларны балалар – «Сабантуй»ның үз хәбәрчеләре алып бара.
Август санының тагын бер бик тә мөһим үзенчәлеге бар. Җәйнең соңгы аенда олыларның гына түгел, балаларның да яраткан шагыйре, күп еллар «Сабантуй» газетасын җитәкләгән Роберт абый Миңнуллин туган. Шушы көн уңаеннан, шагыйрьнең кызы Таңсылу Сабирова Роберт абыйның безгә мәгълүм булмаган сыйфатлары, мавыгулары турында сөйләде.
Шигырьләр сихри көчкә ия булганын белә идегезме? Безнең Шәвәлиебез комикста Роберт Миңнуллин шигырьләре ярдәмендә хәтта Убырны да җиңә! Шулай итеп укучыларыбыз чын Сабантуй бәйрәмендә дә катнаша ала.
Кайсы бала уйнарга яратмый икән?! «Сабантуй»лылар һәр баланың уенга мөкиббән булуын белә, шуңа да журналның һәр битендә – уен!
Җәегез мавыктыргыч, «Сабантуй»лы булсын!
Иң мөһим һәм кызыклы язмаларны Татмедиа Telegram-каналында укыгыз
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!
-
Рәхмәт чәе – тәмле чәй! Рәхмәт чәе нинди була дисезме? Безгә кунакка килегез. Андый чәй сезгә дә, һичшиксез, ошар.
-
Кем нәрсә ярата? Кызлар иҗади һөнәрләрне үз итә, ә малайларга IT һәм спорт якын. Күптән түгел мәктәп укучылары арасында «Профилум» оешмасы уздырган сораштыру шуны күрсәткән.