Самокатта Ислам җилдерәчәк!

"Сабантуй" журналы уйнаткан самокатның хуҗасы билгеле булды. Шәвәлинең яраткан транспортында Ислам Нигъмәтуллин җилдерәчәк! Ул Балтач районының Арбор авылында яши. Быел беренче сыйныфка укырга керәчәк. "Сабантуй" журналына бу гаилә әле беренче тапкыр гына язылган. "Язылуга менә шундый шәп яңалык! Алга таба да "Сабантуй"ны укыячакбыз!" - диде Исламның әтисе Ринат әфәнде. Гаиләдә ике малай үсеп килә икән. Алар хәзер самокатлы да, "Сабантуй"лы да булды!