Савваның саваплы эше

Чиләбедә яшәүче 11 яшьлек Савва Ярыгин бик саваплы эш башлаган. Ул макулатура җыеп сата да, шул акчага балалар йортларында, кризис үзәкләрендә тәрбияләнүчеләр өчен футбол туплары ала икән. Бактың исә, Савва үзе футболны бик ярата, һәр баланың аны уйнау мөмкинлеге булуын тели. Малайга бер туп сатып алу өчен якынча 20 килограмм макулатура тапшырырга кирәк. Савва бүләк иткән туплар белән Чиләбенең социаль-тернәкләндерү үзәкләрендә уйный башлаганнар инде.