«Созвездие-Йолдызлык» фестиваленең Гран-при иясе иртәгә билгеле булачак!

22 апрель көнне сәгать 17.00дә  «Пирамида» күңел ачу үзәгендә «Созвездие-Йолдызлык» фестиваленең йомгаклау гала-концерты узачак. 

Татарстан Республикасы Президенты Рөстәм Нургали улы Миңнеханов патронажы һәм ЮНЕСКО эшләре буенча РФ Комиссиясе эгидасы астында үтүче бу “Созвездие-Йолдызлык” ХVII Ачык республика телевизион яшьләр фестиваленең Гран-при иясе шунда билгеле булачак. Җиңүчене котларга ТРның премьер-министры Алексей Песошин да киләчәк. Шулай ук Татарстан Хөкүмәте министрлары һәм Россия Дәүләт Думасының комитет җитәкчеләре җиңүчеләргә бүләкләр тапшырачак.