“Сәйдәш остаханәсе” сезне көтә

Менә шундый телефон куйгыч кирәкме сезгә? Ә аны үзегез ясарга өйрәнергә телисезме? Шулай икән, 22 май көнне 14.00 сәгатьтә “Сәйдәш остаханәсе”нә кушылыгыз! Аида Сәйдәшева барысына да өйрәтер. Кирәкле әйберләрне бүген үк әзерләп куйсагыз да була: бәдрәф кәгазе катыргысы, 4 канцеляр кадак, төсле карандашлар яки фломастерлар, төсле кәгазь, карандаш-җилем (клей), кайчы, гади карандаш, гади скотч, сызгыч (линейка), пистолет-җилем яки “клей-момент”.

22 май көнне “Сабантуй” журналының инстаграм аккаунтында @sabantuy_journal туры эфирда мастер-классны карарга мөмкин булачак. Шулай ук әлеге аккаунт һәм “ВКонтакте”дагы рәсми төркемебездә мастер-класста катнашырга теләвегезне язып калдырсагыз, без сезгә ZOOM платформасы өчен сылтама да җибәрәчәкбез.

Остаханәдә очрашканга кадәр!