Татарстанда - «Язгы каникуллар»: утыргычсыз балаларга штраф!

15-21 март көннәрендә республикада «Язгы каникуллар» дигән профилактик чара уза. Ул балалар травматизмы профилактикасына багышлана.
Шушы вакыт аралыгында транспорт чараларын йөртүчеләрнең Юл йөрү кагыйдәләрен бозу-бозмауларын тикшерәчәкләр. Аеруча яшь пассажирларны махсус утыргычта йөртү, җәяүлеләргә юл бирү кебек очракларга игътибар бирәчәкләр.
ЮХИДИ хезмәткәрләре юл йөрү кагыйдәләрен бозган кечкенә җәяүлеләрне дә игътибарсыз калдырмаячак. Инспекторлар яшь инспекторлар отрядлары белән аларның хокук бозуларын теркәп барачак. Ә алга таба бу мәгълүмат бала укый торган мәктәпләргә җибәреләчәк.
2017 елның 2 аенда Татарстан юлларында балалар катнашындагы 64 юл-транспорт һәлакәте теркәлгән. Аларда 2 бала һәлак булган, 67се җәрәхәт алган. Узган елның шушы вакыты белән чагыштырганда, һәлакәтләр 17 процентка диярлек кимегән.
Бала булган машиналар белән бәйле аварияләр дә шомга сала инспекторларны. Һәлак булган 2 бала да автомобиль пассажирлары булганнар. Кечкенә җәяүлеләрне бәрдертү очраклары 28гә җиткән. Ләкин мондый һәләкәтләрнең саны кими бара.
Татарстанның Дәүләт автомобиль инспекциясе 12 яшькә кадәрге балаларны махсус утыргычта йөртү кирәклеге турында кисәтә. 12 яшьтән олыраклар иминлек каешын эләктергән булырга тиеш.
Иң мөһим һәм кызыклы язмаларны Татмедиа Telegram-каналында укыгыз
-
Коры җир ташбакасы Коры җир ташбакасы яңа урынга тиз җайлаша. Ул яшәгән өйдә 20-30 ºС җылы булырга тиеш.
-
«Балачак бәйрәме»нә чакырабыз 1 июнь – Халыкара балаларны яклау көнендә «Туган авылым» комплексында «Балачак бәйрәме» чарасы үтәчәк!
-
Түбән Камада «Дуслык күпере» 19 май – Татарстанда матбугат көне уңаеннан, Түбән Каманың 38 нче балалар китапханәсе «Дуслык күпере» дип исемләнгән бәйрәм оештырды. «Сабантуй» һәм «Салават күпере» балалар журналларыннан редакция хезмәткәрләре дә әлеге чарага чакырылган иде. Очрашу «Апуш» үзәк балалар китапханәсендә үткәрелде.