Әти-әниләр, өч кенә көн эшлибез!

Атна башланырга өлгермәде, инде әти-әниләр киләсе яллар турында да кайгырта башлады. Уйламаслык та түгел шул, чөнки 23-26 февраль аралыгында безне барыбызны да озын яллар көтә.

23 февраль – Ватанны саклаучылар көне уңаеннан быел дүрт көн рәттән ял итәчәкбез. Ә, димәк, эш атнасы да өч кенә көн булачак дигән сүз.

Гадәттә, көчле затларның бәйрәме болай озакка сузылмый иде. Быел ничек алай килеп чыкты соң? Быел 1 гыйнвар ялы якшәмбегә туры килү сәбәпле, бу ял көне 24 нче февральгә күчерелде.