Укырга, укырга һәм укырга!

Китап укыган балаларның белеме колледж тәмамлаган кешенекеннән ким түгел. Австралия белгечләре уздырган тикшеренү шуны күрсәткән. Алар дөньяның 30 илендә яшәүче 160 меңнән артык кешенең гаилә китапханәсен өйрәнгән. Нәтиҗәләрдән күренгәнчә, китап укучы бала уку йортында белем алган кадәр мәгълүмат туплый. Уку грамоталылыкны арттыра, санау, мәгълүматны тапшыра белү сәләтен үстерә.