Ярдәмгә - янут килә!

Балаларны дәвалауда белгечләр еш кына төрле хайваннарны "ярдәмче" итәләр. Екатеринбург зоопаркында аутизм, ДЦП һәм башка авырулары булган балалар өчен "янут терапиясе" куллана башлаганнар.

- Авыру балалар белән эшләүдә мондый тәҗрибә дә кулланып карарга булдык. 5-8 баладан торган төркем 3-4 янут белән берәр сәгать "аралаша". Бу аларга вак моториканы үстерергә, үзара һәм әйләнә-тирә белән контактка җиңелрәк керергә ярдәм итә. Мәсәлән, аутизм белән авырган балалар кулдан-кулга янутларны биреп, бер-берсе белән аралашуга омтылыш ясый, аларны сыпырып тынычлана, - ди зоопарк эшчесе Игорь Пермяков.
Балалар белән "эшләргә" тиеш булган хайваннарны туу белән кешеләргә ияләштерәләр. Бары тик шулай иткәндә генә җәнлекләр кеше белән "аралашырга" сәләтле була.
Янутлар белән бергә монда шулай ук көнгерә, кинкажу да дәвалау курслары уздыра. Соңгысы - кыргый җәнлек булуга карамастан, балалар белән яратып "эшли" икән.
Хайваннар белән аралашу авыру булмаган балаларга да бик файдалы һәм артык булмас, ди белгечләр. Чөнки табигатькә, әйләнә-тирә мохиткә кешелекле карашны бары тик шундый ысул белән генә тәрбияләп була, дип искәртә алар.
Екатеринбург зоопаркының матбугат хезмәте фотолары

 
//"Российская газета" сайтыннан//