ЗТК: әфлисуннар җитәме?

Сәлам, дуслар! Кичәге сорау бик авыр булды, ахры – дөрес җавап бирүче табылмады. Биремне ике ысул белән чишәргә була иде. Беренчесендә кушылучыларга алдагы тигезлекнең суммасын кушарга кирәк. Ул очракта, җавап мондый була:

1 + 4 = 5

5 + 2 + 5 = 12

12 + 3 + 6 = 21

21 + 8 + 11 = 40

Икенче ысул башка төрлерәк. Анысында икенче кушылучыны беренче кушылучыга тапкырлау сорала. Димәк, чишелеш мондый була.

1 + (4 × 1) = 5

2 + (5 × 2) = 12

3 + (6 × 3) = 21

8 + (8 × 11) = 96

Бүген биремнең җиңелрәген сайладым. Монысына күпләрегез җавап бирә алыр дип уйлыйм. Дөрес җавапны, гадәттәгечә, иртәгә әйтермен.

Бирем: Ике әти һәм ике ул өч әфлисун тапкан. Үзара бүлешкәч, һәркайсына берәр әфлисун тигән. Мондый хәл булырга мөмкинме?