"Мин – балачак иленнән!" - Йолдыз Шәрапова шигырьләре

Язмышыма бик рәхмәтлемен – ул хезмәт юлымның бик күп елларын әдәби иҗатның бишеге булган, илһам канатлары куйган, балачагымның татлы хыялы “Яшь ленинчы» газетасы (хәзер “Сабантуй” журналы) белән бәйләде. Нәкъ менә шул балалар матбугаты мине бүгенгесе көндә төрле милләт балалары яратып укый торган дистәдән артык китаплар язучы шагыйрә апа итте дә инде. Рәхмәтемнең иң зурысы аңа.
Тылсымлы иде шул ул безнең газета, балачакның үзе кебек серле, сихерле иде. Хәзер дә аның сабыйларның якын дусты, киңәшчесе булып калуын телим. Мин мәңгегә синең белән, балачак!
Йолдыз апагыз Шәрапова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: