Татар халык иҗаты

Таҗи килде мәктәпкә

Иртән иртүк ялгызы.

Иптәшләре килмәгән,

Ялгызы ул, берүзе.

Шунда ишек ачылды,

Гата иптәше килде,

Укучылар мәктәптә,

Я, сана, ничә булды? (1+1=2)

Болар икәү торганда,

Тагын ишек ачылды,

Укучы Сара килде,

Я, сана, ничә булды? (2+1=3)

Өчәү алар сөйләшеп

Торганда, ишек ачып,

Укучы Сафа килде,

Я, сана, ничә булды? (3+1=4)

Дүртәү алар сөйләшеп

Торганда, ишек ачып,

Укучы Зәйнәп килде,

Я, сана, ничә булды? (4+1=5)

Бишәү алар сөйләшеп

Торганда, ишек ачып,

Укучы Сабир килде,

Я, сана, ничә булды? (5+1=6)

Алтау алар сөйләшеп

Торганда, ишек ачып,

Укучы Шакир килде,

Я, сана, ничә булды? (6+1=7)

Җидәү алар сөйләшеп

Торганда, ишек ачып,

Укучы Мәрьям килде,

Я, сана, ничә булды? (7+1=8)

Менә сигез янына

Тагын ишек ачылды –

Укучы Мирза килде,

Я, сана, ничә булды? (8+1=9)

Янә ишек ачылды,

Укучы Закир килде,

Барысы бергә мәктәптә,

Я, сана, ничә булды? (9+1=10)

Ярый, унау булдылар,

Икешәр тезелделәр,

Инде санап карачы,

Ничә ике булдылар? (5)