Тел шомарткычлар

Тел шомарткычлар

Хәкимҗан Халиков

 

Гаугачы

Гаугачыдан

Гауга арты

Гауга чыга.

Гауга юлдаш

Гаугачыга.

 

Кем кемне көтә

Үз ишен ише көтә,

Эшлене эше көтә.

 

Йомычкада кырмыска

Суда йөзә йомычка,

Йомычкада кырмыска.

Бушатмас бушны бушка,

Баруыдыр йомышка.

 

Йөзгәләк

Суда йөзә

Йөзәрләгән

Йөзгәләк.

Йөзесе дә

Балык ашый

Өзгәләп.

 

Яхшы сына

Яхшыларның

Яхшысын да

Яхшылыкта

Яхшы сына.

Шунда гына

Тап булырсың

Яхшының да

Яхшысына.

 

Останың да остазы бар

Остасын сез

Остадыр да,

Теләсәгез

Остарырга,

“Без оста!” – дип

Очынмагыз,

Коры куык

Очырмагыз:

Останың да

Остасы бар,

Останың да

Остазы бар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: