Сырлы өчпочмак

Татар халкы ит белән бәрәңгеле өчпочмак ярата. Ә сырлы өчпочмаклар ясаганыгыз бармы?
Кирәк була:
Кибеттә сатыла торган ләвәш
150-200 грамм уылган сыр
200 грамм эремчек
Тоз
Йомырка
Петрушка яки укроп
Сырны вак угычтан уабыз, эремчеккә салабыз, йомырка сытабыз, яшеллекләрне вак итеп турыйбыз, тәменчә тоз сибеп, яхшылап болгатабыз.
Ләвәшне озынча итеп берничә кисәккә кисәбез. Эчлекне салып, һәр кисәкне өчпочмак формасында төрәбез. Әзер өчпочмакларны майланган кызган табага тезеп, ике ягын да кыздырып алабыз да сүрән утта пешерәбез. Бу өчпочмакларны бигрәк тә эремчек ашарга яратмаучы балалар үз итә.
Табыннарыгыз ямьле, чәйләрегез тәмле булсын!
Иң мөһим һәм кызыклы язмаларны Татмедиа Telegram-каналында укыгыз
-
«Сабантуй» «милли сәяхәткә» чакыра «Сабантуй» журналы 2021 елны яңа сәхифәләр белән каршылый.
-
Агу ашамыйбызмы? Кассага юл тотар алдыннан кәрҗингә нинди ризыклар җыйганыбызга игътибар итик әле.
-
Күзеңә карыйм әле! Кешенең күзләренә карап, аның холык-сыйфатларын белергә була.