Мәктәп "лайфхаклары"

Лайфхак – ул тормышны җиңеләйтер өчен файдалы киңәшләр. Мәктәптә уку  җиңел барсын өчен без дә "лайфхаклар" тәкъдим итәбез.
Яңа сүзне, төшенчәне, датаны истә калдыру өчен, аны стикерларга язып, өйнең төрле бүлмәләренә ябыштырып чык.
Кием-салымга ялгыш кына ручка белән сызылып китсә, сызыкка теш пастасы сөртеп, кипкәнен көтәргә һәм соңыннан гадәттәгечә юып куярга кирәк.
Формула, кагыйдә, таблицаларны истә калдыру өчен, аны фотога төшереп, кәрәзле телефон һәм компьютер экранының фон рәсеме итеп куй.
Үзең белән гел коры һәм хушландыргыч салфетка, гади пакет йөрт. Бу әйберләр һәрвакыт кирәк булачак!
Китап һәм дәфтәргә кыстыру өчен төсле пластик скрепкалар куллан. Мондый кыстыргыч төшеп тә китмәс, кирәк чакта язулар, күзәтүләр, искәрмәләрне кәгазьгә язып, шул ук биткә эләктереп куярга да була.
Китапны һәм дәфтәрне һәр предмет өчен аерым-аерым файлларга яки пакетларга сал, үзеңә дә җиңелрәк, сумкаң да тәртиптә булыр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Барысы да сәләтле! Казан шәһәренең Киров районындагы 4 нче татар гимназиясе укучылары белән узган очрашудан соң, бу белем йортындагы сәләтле балалар турында сезгә дә җиткерергә булдык.
    175
    0
    0
  • Баш мөхәррир белән очрашу Казан шәһәренең Г.Ибраһимов исемендәге 17 нче гимназиясендә «Сабантуй» бездә кунакта» дип исемләнгән бик матур чара үтте.
    249
    0
    0