23 яшькә кадәр беренче баласы туган гаиләләргә дәүләт ипотеканы капларга ярдәм итәргә мөмкин

"Бердәм Россия" фракциясеннән Дәүләт Думасы депутаты Ольга Баталина 23 яшькә кадәр беренче баласы туган гаиләләргә дәүләт аларның ипотекаларын түләргә ярдәм итә алыр иде дигән фикердә тора, дип яза “Татар-информ”.

Дәүләт Думасында хисап белән чыгыш ясаганда, премьер-министр Дмитрий Медведев Россиядә гаиләләргә ярдәм итү дәвам ителергә тиеш, аның өчен яңа чаралар эшләргә кирәк, дип белдергән.
"Чынлап та, 2030 елга кадәр безнең ил демографик авырлыклар белән бәрелешәчәк, бала тудыру яшендәге хатын-кызлар саны кими. Бу шартларда инде балалары булган гаиләләр хисабына гына бала тудыруны тулыландырырга була. Бер үк вакытта яшь гаиләләрдә беренче балаларын тудыруга этәргеч ясарга да кирәк", - дип җиткергән Баталина сүзләрен аның матбугат хезмәте. Депутат фикеренчә, тәэсир итүче чараларның берсе булып, балалар хисабындагы фатир өлешен түләү торырга мөмкин. “23 яшькә кадәр беренче баласы туган гаиләләргә дәүләт ипотекага түләүнең бер өлешен каплап ярдәм итә алыр иде. "Бердәм Россия" партиясе тарафыннан демографик чишелеш юлы итеп, бу тәкъдим ителгән иде” дип искәрткән Баталина.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Дуслык җепләре ныгысын Казан шәһәре Совет районының 11 нче татар гимназиясендә “Салават күпере” һәм “Сабантуй” журналлары баш мөхәррире Зилә Хөснетдинова белән очрашу уздырдылар.
    267
    0
    0
  • Комикс яса – планшет от! Дустым, сине «Мин комикс ясыйм» бәйгесендә катнашырга чакырабыз!
    249
    0
    0