Иң күп китап укучылар кайда яши?

Электрон һәм аудиокитапларны укучы һәм тыңлаучыларның күпчелеге Мәскәү, Санкт-Петербург һәм Краснодар шәһәрләрендә яши. Ә иң актив укучы – Ангарск каласында. Ул бер ел эчендә 2300дән артык китап укыган һәм тыңлаган. MyBook китап сервисы әнә шундый мәгълүмат тараткан.

Китап яратучылар яши торган шәһәрләр исемлеген Краснодардан соң Новосибирск белән Екатеринбург дәвам итә. Ә менә иң күп китап укучылар рәтендә Казан кешесе дә бар. Ул бер елда 1487 китап укыган.