Логотип Журнал Сабантуй
ЯҢАЛЫКЛАР

Иң күркәм гаилә билгеле булды

“Гаилә һәм мәктәп” журналы тарафыннан уздырылган “Күркәм гаилә” Бөтенроссия бәйгесенә нәтиҗә ясалды.Финалда катнашырга иң лаеклылар дип Балтач районыннан Тләковлар һәм Фәезовлар, Мөслимнән - Шәйгәрдан...

“Гаилә һәм мәктәп” журналы тарафыннан уздырылган “Күркәм гаилә” Бөтенроссия бәйгесенә нәтиҗә ясалды.
Финалда катнашырга иң лаеклылар дип Балтач районыннан Тләковлар һәм Фәезовлар, Мөслимнән - Шәйгәрдановлар, Биектау районыннан - Ситдыйковлар һәм Агеевлар, Арчадан - Хәйруллиннар, Киров өлкәсеннән Сәлаховлар гаиләләре табылган. Бүген алар Татарстан Халыклар дуслыгы йортында мәртәбәле жюри әгъзалары, тамашачылар алдында чыгыш ясады. Аларның һәркайсы үз гаиләсенең үзенчәлекләрен чагылдырырга,  аш-суга осталыкларын да, иҗади уңышларын да, эшкә һәвәслеген дә күрсәтергә тырышты.
Финалга узган гаиләләрнең берсе генә дә бүләксез калмады. Тләковлар гаиләсе - “Уникаль гаилә”, Сәлаховлар гаиләсе - “Милли җанлы гаилә”, Агеевлар гаиләсе - “Күп балалы гаилә”, Ситдыйковлар - “Иҗади гаилә”, Хәйруллиннар гаиләсе - “Эшчән гаилә”, Шәйгәрдановлар гаиләсе - “Зыялы гаилә” номинацияләрендә җиңү яулады. “Иң-иң күркәм гаилә” исеменә исә Балтач районыннан Фәезовлар гаиләсе лаек булды. Җиңүче гаилә “Гаилә һәм мәктәп” журналы тышлыгында урын алачак, алар турында язма басылачак.
 
Чыганак: "Татар- информ"нан алынды

Следите за самым важным и интересным в Telegram-каналеТатмедиа

Нет комментариев