Икенчеләр беренче

Казан шәһәренең Абдулла Алиш исемендәге 20нче гимназия укучылары “Сабантуй” журналының октябрь саны белән беренчеләрдән булып таныштылар. Яңа сан әле табадан гына төшкән, ә гимназиянең 2 сыйныф укучылары инде журналның биремнәрен үтәп, уенннарын уйнап, комиксын укып, видеоларны карап та өлгерде. Чөнки бүген “Сабантуй” Абдулла Алиш исемендәге 20нче гимназиядә кунакта булды.

Очрашу гимназиянең музеенда үткәрелде. Монда “Алиш варислары” дигән бик тә үзенчәлекле музей эшләп килә икән. Балалар дәресләрдән тыш музейда еш кына экскурсияләр уздыралар, төрле очрашу-кичәләр үткәрәләр. Монда танылган татар әдипләренең китаплары, кулъязмаларыннан тыш, язучыларның шәхси әйберләрен дә очратырга була. Бигрәк тә Абдулла Алишның шәхси әйберләре күз карасыдай саклана.

Музей белән “Сабантуй”  журналы редакциясе хезмәткәрләрен гимназия директоры Рәхимә Арсланова таныштырды. “Сабантуй” укучылары әлеге гимназиядә дә шактый. Аларга бигрәк тә әкиятләр, бәйгеләр ошый икән. Үзләре дә бәйгеләрдә еш катнашалар. Журналдагы үзгәрешләрне дә шундук тойды укучылар. “Һөнәр сайлыйм”, “Ярыш мәйданы”, “Zooдөнья” сәхифәләре буенча видеолар карап, сорау-җавап уенында актив катнаштылар. “Сәйдәш остаханәсе” сәхифәсе белән танышып, балалар үзләре дә мастер-класста катнаштылар. Очрашу күмәк фотога төшү белән тәмамланды.

Укучылар белән мондый очрашудан соң А.Алиш исемендәге гимназиядә “Сабантуй” журналына һәм татар матбугатына язылучылар саны артыр. Искиткеч мөгаллим Рәхимә Арсланова җитәкләгән гимназиягә уңышлар телибез.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тимераяклар кайчан барлыкка килгән? Иң борынгы тимераякларны Швейцариядәге күл төбеннән табып алганнар. Алар сөяктән эшләнгәннәр, аякка бәйләп куяр өчен юка күн тасмалары да булган. XV гасырда Даниядә металл пластиналар беркетелгән агач...
    504
    0
    0
  • Баланың йокы урыны дөресме? Дөрес сайланган карават һәм матрас баланың йокысы әйбәт булсын өчен генә түгел, сәламәтлеге өчен дә бик мөһим.
    823
    0
    0