“Кояшкай” лагеренда кунакта

Мәктәпләрдә язгы каникуллар башланды. Кемдер авылда ял итә, ә кемнәрдер мәктәп яны лагерьларына йөри. Казан шәһәренең Фатиха Аитова исемендәге 12 нче кызлар гимназиясендә дә “Кояшкай” лагеры язгы сменасы эшли. Бүген алар “Сабантуй” журналы хезмәткәрләрен кунакка чакырды.

Лагерьда ял итүче балалар, төрле чараларда катнашып, төрле җирләргә сәяхәт кылып, вакытларын файдалы һәм күңелле итеп уздыралар. Редакция хезмәткәрләре белән очрашу исә татар басмалары белән танышу йөзеннән оештырылган иде. Гимназия укучылары “Сабантуй” журналының бай тарихы, аның сәхифәләре, бәйге-уеннары турында тыңлады. Кызларга бигрәк тә “Сәйдәш остаханәсе” сәхифәсе ошады. Ошамаслык та түгел шул, һәр санда Сәйдәш төрледән-төрле эшләнмәләр ясарга өйрәтә. Очрашуда да кызлар Сәйдәш белән бергә кесә янчыгы ясадылар. 1-2 сыйныфта укучы кызлар кулларына энә һәм җеп алып, тегүнең иң җиңел ысулларын кулланып, үзләренә янчык тектеләр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Дуслык җепләре ныгысын Казан шәһәре Совет районының 11 нче татар гимназиясендә “Салават күпере” һәм “Сабантуй” журналлары баш мөхәррире Зилә Хөснетдинова белән очрашу уздырдылар.
    313
    0
    0
  • Комикс яса – планшет от! Дустым, сине «Мин комикс ясыйм» бәйгесендә катнашырга чакырабыз!
    276
    0
    0