«Сабантуй» «милли сәяхәткә» чакыра

«Сабантуй» журналы 2021 елны яңа сәхифәләр белән каршылый. Татарстанда игълан ителгән «Туган телләр һәм халыклар бердәмлеге» елында журнал укучыларын үзенчәлекле сәфәр көтә. Һәр санда төрле халыкларда «кунак» булып, гореф-гадәтләре белән танышып, кызыклы бәйгедә катнашырга мөмкин. Җиңүчегә бүләккә – Мәскәүгә сәяхәт! Гыйнвар саны Европадагы иң күп санлы халык – рус милләте һәм Бөек Новгород шәһәренең иң истәлекле урыннары белән таныштыра.

Укучыларыбыз үз итеп өлгергән сәхифәләребезгә дә яңалык өстәлде. Әйтик, «Тәҗрибә» сәхифәсендә профессор Мороз хәбәрчебез белән төрле тәҗрибәләр ясап кына калмый, татарча сөйләшергә дә өйрәнә.

«Сабантуй»дан тагын бер шәп бүләк – «Хәерле юл» өстәл уены. Аның ярдәмендә юл билгеләрен уен аша өйрәнергә мөмкин.

«Сабантуй» ул – балалар иҗаты мәйданы да. Басмада каләм тибрәтүче укучыларның иҗат җимешләре дә, балалар ясаган рәсемнәр дә урын алды. Сәләтле балалар белән «Сабантуй» һәрчак элемтәдә. Син дә кушыл! Журналлы бул!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тимераяклар кайчан барлыкка килгән? Иң борынгы тимераякларны Швейцариядәге күл төбеннән табып алганнар. Алар сөяктән эшләнгәннәр, аякка бәйләп куяр өчен юка күн тасмалары да булган. XV гасырда Даниядә металл пластиналар беркетелгән агач...
    503
    0
    0
  • Баланың йокы урыны дөресме? Дөрес сайланган карават һәм матрас баланың йокысы әйбәт булсын өчен генә түгел, сәламәтлеге өчен дә бик мөһим.
    823
    0
    0