Яңгыр галәмәтләре

– Җир шарында яңгыр иң күп ява торган урын – АКШдагы Вайелеале тавы.

– Иң зур тамчы 6-7 миллиметр була ала. Ләкин бик зур тамчылар җиргә төшеп җитми, һавада чакта ук вак кисәкләргә тарала.

–​ Елъязмаларга караганда, 1209 елда көнбатыш Европада яңгыр туктамыйча 2,5 ай тирәсе (20нче майдан-9нчы августка кадәр) ява.

–​ Яңгыр Җирдә генә түгел, Титан спутнигында да ява. Ләкин ул судан түгел, сыек метаннан тора.

–​ Таиландта яңгыр күбрәк төнлә ява.

–​ Иң явым-төшемле шәһәр – Һиндстандагы Черапунджи шәһәре.

–​ АКШның Огайо штатындагы Уайнсберг шәһәрендә инде йөз елдан артык һәр җәйне, 29 июльдә яңгыр ява икән.

–​ Пара шәһәрендә кешеләр сәгатьләрен яңгырга карап тикшерә. Чөнки анда яңгырлар көн саен бер үк вакытта ява, ди.

–​ Коры Ботсвана шәһәрендә кешеләр яңгыр теләп, пула, ягъни яңгыр сүзе белән исәнләшә. Аларда акча берәмлеге дә шушы исемдә йөри.

–​ Бик сирәк кенә кешеләрдә яңгырга аллергия очрый. Ул яңгыр суындагы бактерияләр белән бәйле.

–​ Бик эссе чүлләрдә яңгыр суы җиргә төшеп җиткәнче үк кабат парга әйләнә.

–​ Иң зур боз кисәкләре 1986 елның 14нче апрелендә Гопалгандж шәһәрендә ява. Аларның авырлыгы 1 кг тирәсе була.

–​ Бервакыт америкалы радиостанция хуҗасы яңгыр астында кала. Шуннан соң ул радиода тәүлеккә берничә тапкыр һава торышын хәбәр итә торган яңа сәхифә булдыра.