«Сабантуй» журналының декабрь саны
Санаулы атналардан яңа 2026 нчы елга аяк басабыз! «Сабантуй» журналы укучыларына бу елның соңгы 12 нче санын тәкъдим итәргә әзер. Ул гадәти түгел, башка саннардан аерылып торачак.
Декабрь яңа ел календаре форматында эшләнгән. Тышлыкта һәркемне матур, ялкынлы һәм алтын яңа ел билгесе – горур ат сәламли!
Журналның эчке ягы исә 2026 нчы елның һәр айда буласы бәйрәмнәрен һәм истәлекле көннәрен чагылдыра. Битләр кызыклы фактлар һәм матур шигъри юллар белән тулыландырылган.
«Балама» остаханәсендә алтын куллы Нәргизә Сәфәрова укучыларыбызны Яңа елга гаҗәеп бүләк – чыршы-сабын ясарга өйрәтә.
2026 нчы елда сезне нәрсә көтә? Моны 16-17 нче битләрдә безнең йолдызнамә әйтеп бирер!
«Уен сәгате» сәхифәсе турында да онытмадык! Яраткан укучыларыбызны кышкы уеннар һәм сынамышлар каршы алыр.
Яңа ел – балаларның гына түгел, ә өлкәннәрнең дә яраткан бәйрәме! Бәйрәм уңаеннан «Сабантуй» укучыларыбыз өчен «Балама бүләк» акциясен игълан итә. Журналга язылып, шәп бүләк отарга мөмкин. Акция шартлары белән декабрь санының соңгы битләрендә тулырак танышырга була.
«Сабантуй»ны укыйк, һәр өйгә яздырыйк! Яңа елга бергә атлыйк, дуслар!
-
Международный конкурс детского рисунка «Моя Россия».
1 декабря 2025 года начинается приём работ для участия в VIII Международном конкурсе детского рисунка «Моя Россия».
-
«Балама бүләк» акциясе
«Балама бүләк» акциясе башланды! Яңа ел — балаларның да, олыларның да иң яраткан бәйрәме. Ә иң яхшы бүләк — балаларыбызны татар теле белән бәйләүче «Сабантуй» журналы!
-
Язучылар белән очрашу
21 ноябрь көнне Яр Чаллы шәһәренең 4 нче урта гомуми белем бирү мәктәбенең мәҗлесләр залында «Язучылар белән очрашу» кичәсе булып узды.
