Карбызны ничек сайларга?

3 август – карбыз көне
Ел да кабатлана, ләкин ел саен җавабы онытыла торган сорау бу. Тәмле, баллы карбызны тышыннан гына танып буламы соң?
Карбыз сайлаганда менә нәрсәләргә игътибар итәргә кирәк икән:
- ул уртача зурлыкта, ләкин авыр булмаска тиеш,
- киселгән, ярылган урыннары булмасын,
- кабыгындагы сырлар контраст булсын, кабык каты булса һәм ялтырап торса яхшы,
- карбызның җиргә тиеп торган өлешендәге табы ачык сары яки кызгылт-сары төстә булырга тиеш,
- яхшы карбыз кабыгына сукканда җиңелчә яңгыравык тавыш чыгара,
- аңа уч белән сукканда вибрация тоярга була,
- кысканда җиңелчә шытырдап куя.
Карбызны сату урыны да әһәмияткә ия. Ул койма белән әйләндереп алынган һәм өсте каплаулы булырга тиеш. Карбыз махсус киштәләрдә сакланса яхшы. Ә менә юл буенда җирдә ятучы карбызны сатып алмавың хәерле. Ә инде ул өлгергәнлеген күрсәтү өчен кисеп тә куелган икән, бу урыннан тизрәк качарга кирәк.
Шунысы да бар: сатучыдан карбызны үстергән оешманың сертификатын һәм карбызның сыйфаты турында таныклык таләп итә аласыз!
Ашар алдыннан карбызны сабынлы су белән яхшылап юарга киңәш итәләр. Бер утыруда ашап бетерә алмасагыз, калганын азык-төлек пленкасына төреп, суыткычта саклагыз.
Иң мөһим һәм кызыклы язмаларны Татмедиа Telegram-каналында укыгыз
-
Телләр белгән – илләр гизгән «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.
-
Азнакайдан шигъри сәлам Исәнмесез, “Сабантуй” журналы хезмәткәрләре! Сезгә Азнакай шәһәре 9 нчы урта мәктәбенең “Яшь каләмчеләр” түгәрәгенә йөрүче укучылар иҗат иткән шигырьләрне тәкъдим итәбез. Шигырьләребез сезгә дә, журнал укучыларга да ошаса, бик шат булыр идек.
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.