8 гади гадәт

1. Иртән торуга бер стакан су эчеп куй. Бүлмә температурасындагы су организмыңны чистартыр һәм уятыр.

2. Туйганчы йокла. «Төшкә кадәр йокла», – димәдек! Вакытында ятып, вакытында торырга өйрән. 6-13 яшьлек балаларга көненә 9-11 сәгать йокы кирәк.

3. Иртән зарядка ясарга онытма. Физик күнегүләр мускулларны кислород белән баета.

4. Чипсы, кириешки, печенье урынына чикләвек һәм җиләк-җимеш аша.

5. Иртәнге ашны калдырма! Ул – төшке һәм кичке ашлардан да мөһимрәк.

6. Көн саен саф һавада йөр. Йөрәк сәламәт булсын өчен атнага 15-18 километр җәяү йөрергә кирәк, ди белгечләр.

7. Дусларың белән аралаш. Галимнәр ачыклаганча, ялгыз кешеләр күбрәк авырый икән.

8. Ешрак елмай! Елмаю иммун системасына яхшырак эшләргә булыша.