ТАТАРСТАН – ВАТАНЫМ

Мин яшим татар илендә,

Татарстан – ватаным.

Тәүге сүземнән үк сине

«Ватаным!» дип атадым.

Мин яшим татар илендә,

Мин – татарның баласы.

Күңелгә якын урманы,

Елга-күле, даласы.

Мин яшим татар илендә,

Татарстан – ватаным.

Монда көнем гел кояшлы,

Төнем айлы, ал таңым.

Мин яшим татар илендә,

Чит җирне якын күрмәм.

Ата-анам нигезенең

Җылы нурын сүндермәм!

Мин яшим татар илендә,

Мин – татарның баласы!

Күңелгә якын авылы,

Бистәләре, каласы.

Мин яшим татар илендә,

Татарлыкны аклармын! –

Әби-бабамнардан килгән

Гадәтләрне саклармын!

Ленар Шәех