Сабантуй

Сабантуй

 Чәчәккә күмелгәч тугайлар,

 Июньнең иң матур көнендә

 Болынның иң матур җиренә

 Килегез Сабантуй күрергә!

 Энҗе Мөэминова

Сабантуй

Ник безгә дә көрәшмәскә,

Мәйдан тотмаска әле.

Көрәшик, әйдә, бергәләп,

Бүген бит яз бәйрәме.

Сабан туенда көрәшеп,

Бил бирмәскә өйрәник.

«Без һәрвакыт әзер!» – дигәч,

Җиңелмәскә өйрәник.

Куәтебез ташып тора,

Һәркемдә – ярсу йөрәк.

...Без беләбез: әтиләргә

Лаеклы алмаш кирәк!

 Газинур Морат

Сабантуй бүген бездә!

Шатлыклар – күңелебездә,

Ал кояш – күгебездә!

Килегез, дуслар, кунакка –

Сабантуй бүген бездә!

Җилферди чиккән сөлгеләр!

Бүләкләр – күбебезгә!

Көрәшик тә, узышыйк та –

Сабантуй бүген бездә!

Роберт Миңнуллин