Социаль челтәрләрнең уңай һәм тискәре яклары

30 июнь – Бөтендөнья социаль челтәрләр көне

Социаль челтәрләрдән файдаланучылар көненә уртача өч сәгать вакытларын экран каршында үткәрә. Моның уңай һәм тискәре якларын бергәләп ачыклыйк.

+

• Социаль челтәрләр ярдәмендә ерактагы дуслар, туганнар белән аралашырга мөмкин.

• Файдалы фильмнар карарга, яраткан музыкаңны тыңларга, китап укырга яки чит телләр өйрәнергә була. 

• Социаль челтәрләр укуда да булыша. Биредә фәнни әдәбият белән таныша яки, кызыксындырган төркемгә кушылып, билгеле бер тема буенча фикер алыша аласың.

• Социаль челтәрләр эшкуарлыкны үстерергә дә ярдәм итә.

–

• Мәгълүматның артык күп булуы нерв системасын какшата.

• Кеше чынбарлыкта ничек аралашырга кирәклеген оныта. Смайликлар белән генә «сөйләшергә» күнегеп китеп, башкаларга үз хисләрен сүз белән аңлата алмый башлый.

• Социаль челтәрләр – җинаятьчеләрнең мәгълүмат туплау урыны.

• Бәйлелек барлыкка килә. Бу – тиз генә дәвалап булмый торган куркыныч авыру.

• Социаль челтәрдәге фото яки комментарийлар аркасында күп кенә гаиләләрдә ызгыш-талаш килеп чыга.