Барлык 4нче сыйныф укучыларын тикшерәләр!

Иртәгә, 18 апрельдән, бөтен ил буйлап 4нче сыйныфта укучылар Бөтенроссия тикшерү эшләрен яза башлый.

Татарстанның 35 мең укучысы да бу сынауны узар, дип көтелә. Әгәр 4нче сыйныфларда мондый биремне һәр укучы башкарса, башка сыйныфларда исә сынау рәвешендә генә язалар.
Аңлатып үтик: Бөтенроссия тикшерү эшләре – белем бирү сыйфатын билгеләү өчен булдырылган комплекслы проект. Аның ярдәмендә Россиянең бердәм белем бирү киңлеген үстерергә телиләр. Моның өчен 4нче сыйныф укучылары бер үк биремнәрне башкара. Аларны бер үк төрле критерийлар буенча бәялиләр.