Айдар Галимов өчен бүген икеләтә бәйрәм - КОТЛЫЙБЫЗ! /фотолар/

Бүген Татарстанның һәм Башкортстанның халык артисты Айдар Галимовның туган көне. Туган көн генә түгел, ә 50 яшьлек юбилее! Чынлыкта исә, юбиляр 24 февраль төнендә туган. Матур бәйрәмгә туры килсен дип, әнисе Бибинур апа аны 23 февральгә күчерткән.

Айдар Галимов берәр зуррак, яңа әйбер сатып алса да, бу хакта әнисенә шалтыратып әйтә икән. Әни кеше исә: “Игелеген күр, улым, бәхетле бул!” – дип изге теләген тели. Шуңа да җырчы-депутатның эшләре уңышлы бара, күрәсең.

Галимовлар гаиләсендә тәрбия бирү күбрәк киңәш формасында барган. Әти-әниләре балаларга “алай итмә, болай ярамый” дип боерык бирмәгән. Хәтта “дәресеңне кара” дип тукып тормасалар да, җырчы мәктәпкә дәрес хәзерләмичә йөрмәгән. Менә нинди үрнәк укучы булган ул!