Илшат Вәлиевның әнисе аңа туган көнендә шелтә белдергән

14 ноябрь көнне җырчы Илшат Вәлиевның туган көне иде.

Әлеге бәйрәме уңаеннан ул интернет челтәрендә әнисенә багышлап мондый сүзләр язган: "Кайсыдыр туган көннәремнең берсендә миңа әни: "Нигә мине дә котламыйсың, улым?" - дип сорау бирде. Мин аптырап аңа: "Туган көн минеке бит!" - дип, көлеп куйдым. "Синең туган көнең - минем үлеп терелгән көнем!" - диде әни. Бу дөньяга һәр кеше анасының газабы белә туа, анасының газаплары белән үсә һәм анасының ризалыгы белән генә бәхеткә ирешә ала. Әнием, сиңа барысы өчен рәхмәтем чиксез! Котлыйм сине, миңа бүген 38!
 
Чыганак: "Акчарлак" газетасыннан