Кызыксынучан Султана
Ул вакытның кадерен белә, юк-барга сарыф итми. Ә шөгыльләре бихисап... Үзенең кызыксынулары белән яшьтәшләрен социаль челтәрдәге сәхифәләрендә таныштырып бара. Тырышлыгы, үҗәтлеге, кызыксынучан, яңалыкка омтылучан булуы белән ул күпләргә үрнәк.
Исемең, фамилияң? Cултана Левонская
Сиңа ничә яшь? 8 яшь
Яраткан шөгыльләрең? Вокал, актёрлык осталыгы буенча дәресләргә йөрим. Җырларга, биергә, рәсем ясарга, теннис уйнарга, йөзәргә яратам. Фортепьянода уйныйм, каллиграфия серләренә төшенәм.
Тенниста иң авыры нәрсә? Тенниста 5 яшьтән уйныйм. Бу уенда игътибарлы һәм максатчан булу – төп шарт.
Каллиграфия белән ничек кызыксынып киттең? Әбием һөнәре буенча архитектор, аның язуы да бик матур, пөхтә. Мин дә аңарга охшарга тырышып каллиграфия белән шөгыльләнә башладым.
Үскәч кем буласың килә? Актриса яисә архитектор
Дәвам ит: «Мин булдырам, чөнки…», тормышны яратам. Һәрвакыт яңалыкка омтылам, ә әнием миңа һәрвакыт ярдәм итәргә әзер!
Следите за самым важным и интересным в Telegram-каналеТатмедиа
-
15нче гимназия укучылары белән күрештек
Бүген Казан шәһәренең 15нче татар гимназиясендә укучыларыбыз белән күрештек.
-
Түгәрәк өстәл
Бүген без «2нче татар гимназиясе» китапханәсендә балалар басмаларына язылу буенча түгәрәк өстәлдә катнаштык.
-
«Сабантуйның 100 дусты»
Мәктәп-гимназияләр өчен «Сабантуйның 100 дусты» дигән бәйге игълан иткән идек. Бәйгенең шартлары буенча, мәктәп белән «Сабантуй» журналына 2025 елның беренче яртыеллыгына 100 укучы язылырга тиеш иде.
Нет комментариев