Татарстанда яңгыр көтелә

Татар-информ һәм  ТР Гидрометеорология һәм әйләнә-тирә мохитне күзәтү идарәсе мәгълүматлары буенча, иртәгә республика буенча бераз яңгыр явуы көтелә.
Синоптиклар фаразлаганча, 4 июньдә Татарстанда алмашынучан болытлы һава. Төнлә явым-төшем көтелми, көндез урыны белән бераз яңгыр явуы ихтимал. Төньяк-көнбатыштан, көнбатыштан салмак җил.
Төнлә температура 7-12 градус җылы. Көндез 25 градуска кадәр җылытачак.