Укучыларның күбесе өй эшен күчерә

Россия укучыларының күбесе өй эшләрен башкарганда әзер җаваплардан файдалана. Skysmart сервисы оештырган сораштыру шуны күрсәткән. Сораштыруда катнашучыларның 45 проценты чит телләрдән өй эшен күчерүен әйткән, 38 проценты – физикадан, 37 проценты математикадан әзер җавапларны файдалануын яшермәгән.
Геометрия һәм химиядән өй эшен үзләре эшләргә теләмәүчеләр дә шактый. Һәр дүртенче укучы рус теленнән әзер җавапларны гына күчереп куя. Ә һәр бишенчесе тарихтан бирелгән өй эшен башкарырга иренә.
Өйгә бирелгән эшне мөстәкыйль үтәргә теләмәүләрен укучылар дәреснең кызык түгеллеге яки киләчәктә кирәк булмаячагы белән аңлата. Кайберәүләргә өй эше бик авыр булып тоела, шуңа да алар махсус ярдәмлекләрдән файдалана икән. Шул ук вакытта укучыларның яртысыннан артыгы каян да булса күчерү теманы аңлауга комачауламый дип исәпли.
Укучыларның нибары 7 проценты гына өй эшләрен мөстәкыйль рәвештә башкара.
Иң мөһим һәм кызыклы язмаларны Татмедиа Telegram-каналында укыгыз
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!
-
Рәхмәт чәе – тәмле чәй! Рәхмәт чәе нинди була дисезме? Безгә кунакка килегез. Андый чәй сезгә дә, һичшиксез, ошар.
-
Кем нәрсә ярата? Кызлар иҗади һөнәрләрне үз итә, ә малайларга IT һәм спорт якын. Күптән түгел мәктәп укучылары арасында «Профилум» оешмасы уздырган сораштыру шуны күрсәткән.