Логотип Журнал Сабантуй
ЯҢАЛЫКЛАР

Халыкара балалар китабы көне

автор, 2 апреля 2025 - 10:25
468
0
0

“Китап... Ике катыргы арасына тыгызлап тутырылган чуар кәгазъ. Бары шул гына, ә яхшылап уйлап баксаң, ул – адәм балалары уйлап чыгара алган сирәк могҗизаларның берсе. Могҗизаларның могҗизасы”, - дип язган Ибраһим Гази. Китап – безнең тормышта иң мөһим, иң кирәкле әйберләрнең берсе. Ул киңәшче дә, ярдәмче дә, дөреслеккә юл күрсәтүче дә. Балалар китабы киләчәк буынны тәрбияләүдә, тормышта дөрес юнәлеш сайлауда зур ярдәм булып тора. “Китап – бакча ул, андагы язулар – шул бакчаның гөлләре” дип язган мәгърифәтче Каюм Насыйри. Китаплар безне туган телебезне, хезмәтне яратырга, авыр вакытларда югалып калмаска өйрәтәләр. Тәрбияле, күп белергә теләүче кешеләр китапсыз яши алмый. Татарстан китап нәшриятының балалар һәм яшүсмерләр әдәбияты редакциясе мөдире Айсылу Галиева 7-11 яшькә кадәрге татар баласы укырга тиешле 13 китап исемлеге тәкъдим итә.

  1.   Антуана де Сент-Экзюпери  «Нәни принц» (Р.Вәлиев тәрҗемәсе)
  2. Н. Сладков «Баллы яңгыр» (Л.Гыйззәтуллина тәрҗемәсе)
  3. Ф. Әмирхан «Нәҗип»
  4. А. Алиш «Әкиятләр»
  5. Җ. Тәрҗеманов «Шуктуган»
  6. Ш. Галиев «Тылсымлы көзге», «Тәмле җәй»
  7. Р. Миңнуллин «Күчтәнәч»
  8. Ф.Сафин «Керпенең урманга сәяхәте»
  9. Ф.Яруллин «Кызыл алма»
  10. Р.Вәлиев тәрҗемәсендә «Дөнья халыклары әкиятләре»
  11. Татар мифлары - балаларга
  12. «Үзем белдем диген» (Йолдыз эшкәртүендә татар халык әкиятләре)
  13. Х Халиков «Шигырьләр»

Галерея

Халыкара балалар китабы көне
#

Следите за самым важным и интересным в Telegram-каналеТатмедиа

Нет комментариев

Авторизоваться