Карандашлар савыты

 
Кирәк:

• Тыгыз ак һәм төсле кәгазь;


• Гади карандаш;


• Кайчы;


• Линейка;


• Җилем;


• Калка яисә юка ак кәгазь;


• Өлгеләр.

Эш барышы:
1. Тыгыз ак кәгазьдән 10*25 см лы һәм зәңгәр кәгазьдән 10*45 см лы полоса кисегез.
2. Ак полосаны түгәрәкләп “стакан” ясагыз һәм ябыштырыгыз.
3. “Стакан” төбе зурлыгында түгәрәк кисегез, ябыштыру өчен анада 4 клапан калдырыгыз.
4. Йолдыз, кабырчык өлгеләрен төсле кәгазьгә төшерегез. Аларны кисеп, зәңгәр кәгазьгә ябыштырыгыз.
5. Зәңгәр кәгазьне, киңлеге 3 см лы гармун сыман итеп, бөкләгез. Кырыен җилем белән ябыштырыгыз, эченә “стакан” ны утыртып, “гармун”ны “стакан”га беркетегез. Карандашлар, каләм саплары тутырып куяр өчен менә дигән савыт килеп чыкты!