Май, 2024.

«Сабантуй» журналының май санында күп белемнәр һәм яңа танышулар көтә. Тышлыкта: Казанның «Галәм» 18 нче гимназиясенең «Хәят» ансамбле! Бу төркем егетләре бик оста итеп милли көйләребезне уйный. Җитәкчеләре – Марат Низамов. Уеннар, сканворд, сәхифәләрнең кызыклы геройлары да сезне көтә. «Әбүгалисина» комиксында Әбүгалисинаның игезәге Әбелхарисның Багдад шәһәрен үзенә каратуы турында укы. «Күңел моңы»нда гитара турында белербез. «Тәмлетамак»та – чиалы десерт. «Сабантуй» белән бергәләп җәйне каршылыйбыз!