"Сабантуй" журналының яңа санында ниләр бар?

Дусларыбыз, "Сабантуй" журналының яңа саны дөнья күрде.
Бу санда ни генә юк - татар телен иң яхшы белүче Саба кызы Ризәлә Йосыпова белән әңгәмә, "Бер көн - бер мизгел" сәхифәсендә Рөстәм Гайзуллинның уллары Рамазан белән Нурсолтан, Рамазан аеның мәгънәсен аңлату өчен ата-аналарга эш планы һәм башкалар.
Сөенчебез дә бар!!! "Сабантуй" битләренә "Моң дәрьясы" дигән сәхифә яңадан әйләнеп кайтты. Хөрмәтле музыка укытучылары -  җыр сәнгате белән бәйле сорауларыгыз, балалар өчен язылган җырларыгыз (ноталары белән) булса, журналыбызның sabantui@bk.ru адресына юллагыз.
Яраткан журналыбыз "Сабантуй"га язылмаган булсагыз - ашыгыгыз! Сайтыбыздагы сылтама буенча интернеттан гына да язылырга була!
Шулай ук яраткан журналыбызны сатуда таба аласыз яки редакциядән сатып алырга була.