Елак ерткыч

Ул гомере буе үсә һәм елдан артык ашамыйча да тора ала! Сүз – дөньядагы иң куркыныч, ләкин иң кызыклы җан ияләренең берсе – крокодил турында. 

 

Буе – 5-6 метр

Авырлыгы – 1 тонна

Тешләр саны – крокодилның төренә карап, 60 тан 80 гә кадәр

Гомер озынлыгы – 100 ел

 

Тарих Крокодиллар моннан якынча 83 миллион ел элек барлыкка килгән. Алар – динозаврларның туганы.

Сан Хәзерге вакытта дөньяда крокодилларның 23 төре бар.

Сәләт Алар бер сәгатьтә 35 километр араны йөзеп үтә ала.

Гадәт Крокодиллар суыныр өчен авызларын ача. Бу җан ияләре тирләми. Шуңа да эсседә авызларын ачып хәл алалар.

Факт Бу җанварлар йомыркадан барлыкка килә. Йомырканың температурасы 30 градус булса, аннан малай туа. Ә җылырак йомыркалардан кыз крокодиллар чыга.

Гыйбарә «Крокодил яшьләре» дигәнне ишеткәнең бардыр. Гадәттә, аны кыланып елаган кешегә карата әйтәләр. Бактың исә, крокодил ашаганда «яшь түгә» икән. Ерткыч табышын кызганып елый диярсең! Чынлыкта, бу җан иясенең ашаган вакытта елавы тән төзелешенә һәм ризыкны чәйнәмичә йотуына бәйле.

Белеп тор! Крокодил белән аллигатор бер түгел! Крокодил аллигатордан зуррак һәм аның борыны очлырак. Моннан тыш, крокодилның казык тешләре авызын япкач та күренеп тора, ә аллигаторныкы күренми.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • 100 еллык юбилейга – 100 хәбәрче Иҗатчы балалар күбрәк булсын дип, «Сабантуй» журналы редакциясе гыйнвар аеннан журналистика белән кызыксынучы язылучылары өчен онлайн-мәктәп ача.
    101
    0
    0
  • Бүләк Шәлегә барып җитте! “Минем мәктәп” бәйгесенә нәтиҗәләр ясалды. Җиңүче – Сафин Фәйзрахман Әхмәтҗан улы исемендәге Шәле урта гомүми белем бирү мәктәбенең 4 "Б" сыйныфы укучысы Аяз Газимов.
    211
    0
    2