Җәенлекләр турында табышмаклар

***
Җәен соры, кышын ак,
Аңа шулай яхшырак. (Куян)
***
Алгы тәпие кыска,
Чабарга ул бик оста.
Сары тунын сала да,
Ак тунын кия кышка. (Куян)
***
Кишер белән кәбестәне
Ул бик нык ярата,
Озын колагын тырпайтып
Сикереп урманга кача. (Куян)
***
Бер нәрсә тегә белми,
Энәләр тагып йөри. (Керпе)
***
Энәсе бар, ә тегә алмый. (Керпе)

***
Җәен урманга патша,
Кышын кардан да аста. (Аю)
***
Нечкә билле, көлтә койрыклы. (Төлке)
***
Кош түгел – оча,
Ябалактан курка.
Чикләвекне ярата,
Сызгырса, урманны яңгырата. (Тиен)
***
Сорыдыр төсе,
Үткендер теше.
Урманда йөри,
Бозаулар эзли. (Бүре)

Нравится
Комментарии (0)
Осталось символов:
  • ӘНИЛӘР КӨНЕ УҢАЕННАН КОНКУРС! Дуслар, тиздән ноябрь аеның иң матур бәйрәме – Әниләр көне! Әни – тормышыбыздагы иң кадерле, якын кеше. Әниләрнең тавышы да ягымлырак, пешергән ризыклары да тәмлерәк, карашлары да җылырак...
    405
    0
    0