Мәрзия Фәйзуллина (Тәрҗеманова) шигырьләре

11 июнь көнне шагыйрә, ТАССРның атказанган мәдәният хезмәткәре Мәрзия Низам кызы Фәйзуллинага (Тәрҗеманова) 90 яшь

 

Күгәрченнәр

Күк күгәрченнәр гөрлиләр:

Гөлдер-гөлдер-гөлдергү!

Безгә көн дә җимнәр сибә,

Бигрәк уңган кемдер бу?

 

Чия төше

Тулып пешкән чияләрне

Бик яратып ашыйбыз.

Сөяк кебек каты төшен

Ашамыйбыз, ташлыйбыз.

 

Ә нәни Вил бер төш тотып

Никтер аптырап калган:

- Ташларга булгач, кем аны

- Чия эченә салган?

 

 

Авырткан теш

Врач суырды да алды

Авырта торган тешне.

Теш келәшчәдән банкага

Шак итеп килеп төште...

 

Рәтләп ашый да алмадым

Шул тешем аркасында.

Инде тик авыртып ятсын

Врачның банкасында.

 

 

Торналар нигә озын аяклы

Беләсеңме җирдә ничек

Очуын  син торнаның?

- Беләм, бар бу күренешне

Читтән карап торганым.

 

Башта торна канат җилпеп

Атлый, хәрәкәт итә.

Аннан соң һаваны ярып

Бик җиңел очып китә.

 

Ә нигә соң озын була

Аяклары торнаның?

Очып киткәндә канаты

Җиргә тимәскә аның!

 

 

Бер дә ял итми калам

 

Төшке ашны ашагач,

Ял итәргә ятабыз.

“Тәннәрегез, күзләрегез

Ял алсын”, - ди апабыз.

 

Ял итәргә дип ятам да

Мин ялгыш йоклап алам.

Шулай итеп, әз генә дә

Ял итә алмый калам.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тимераяклар кайчан барлыкка килгән? Иң борынгы тимераякларны Швейцариядәге күл төбеннән табып алганнар. Алар сөяктән эшләнгәннәр, аякка бәйләп куяр өчен юка күн тасмалары да булган. XV гасырда Даниядә металл пластиналар беркетелгән агач...
    504
    0
    0
  • Баланың йокы урыны дөресме? Дөрес сайланган карават һәм матрас баланың йокысы әйбәт булсын өчен генә түгел, сәламәтлеге өчен дә бик мөһим.
    823
    0
    0