11 октябрь - Халыкара кызлар көне 

11 октябрь - Халыкара кызлар көне 

Бүген – 11 октябрь, бөтен дөнья буенча кызлар көнен билгеләп үтәләр икән. Кызлар – алар булачак әни кешеләр дә. Шуңа да аларның җәмгыяттә һәм гаиләдә дөрес игътибар алып үсүе аеруча мөһим. Бүгенге көндә кызлар малайлардан бер дә калышмыйча спорт, сәнгать, фән дөньясында үз казанышлары белән чыгыш ясый. Ә бит әле бер гасыр элек кенә кызларга укырга йөрү дә тыелган булган. Хәзер инде чыннан да башка дөнья. Әмма шулай да кызларга игътибарлы караш булырга тиешлеген онытырга ярамый. Малайлар, аларны беркайчан да кыерсытмагыз, һәрвакыт дус-тату булып яшәргә кирәк!