Кыш бабайның туган көне бүген!

18 ноябрь – Кыш бабайның туган көне

Яңа елга кадәр 43 көн калды. Тиздән Кыш бабай киләчәк! Бүген исә ул үзенең туган көнен бәйрәм итә. Аңа төгәл ничә яшь булуын беркем дә белми. Хәтта оныгы – Кар кызы да! Шунысы кызык: һәр илнең үз Кыш бабае бар. Исеме дә төрлечә. Алай гына да түгел, Россиянең төрле төбәкләрендә Кыш бабайны төрлечә атыйлар. Әйтик, Якутиядә – Чысхаан, Чувашстанда – Хел Мучи, Удмуртиядә – Тол бабай, Карелиядә – Паккайне, Башкортстанда бездәгечә – Кыш бабай.