Оекбаштан – уенчык

5 июль – төсле оекбаш көне

Менә сиңа мә! Оекбаш көнен дә билгеләп үтәләр икән. Оекбаш кияргә барыбыз да күнеккән. Ул аякларны җылы тота, җәен тузаннан саклый. Аның ниндиләре генә юк: чәчәклесе, чуклысы, төслесе, мультфильм геройлары төшерелгәне... Җәй көне оекбашның бизәлешенә игътибар итсәк, кышын җылы булуы мөһим.  Оекбаштан бик кызык уенчыклар ясарга да була икән. Сезнең ясаганыгыз бармы? Булса, фотосын безгә дә җибәрегез әле.