Табында гына булсын

22 май – винегрет көне

Һәр көнне диярлек дөньяда нинди дә булса ризык көне билгеләп үтелә. 22 май, мәсәлән, винегрет көне. Бу салатның килеп чыгышы турында төрле фикерләр бар. Аларның берсе буенча, Екатерина II патшалык иткән елларда пешекчесе аңа шушы ризыкны әзерләгән. Патшабикә салатны кабып караган да: “Фи! Не грето!” дигән, имеш.

Икенче берәүләр винегрет безнең табынга алман һәм скандинав кухнясыннан кергән, ди. Ничек кенә булмасын, без бу салатны бик яратабыз. Аны һәркем үзенчә әзерли. Шулай да винегрет өчен, гадәттә, пешкән яшелчәләр – бәрәңге, кишер, кызыл чөгендер һәм тозлы кәбестә, яшел борчак, тозлы кыяр алына. Салатны май, әз генә уксус, тоз һәм борыч салынган катнашма белән болгаталар.

Халык телендә, аның башында – винегрет, дигән гыйбарә дә яши. Ни икәне билгесез, буталчык дигән мәгънәдә әйтелә бу сүз. Нәкъ шуның кебек, винегретка да үзең теләгән ингредиентларны салырга була.

Без исә винегретның табыныгызда гына булуын телибез! 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тарих эзләреннән... Татарстанның Яшьләр эшләре министрлыгы һәм "Идел" яшьләр үзәге «Тарих эзләреннән» - «По следам истории» рәсем бәйгесе игълан итә.
    190
    0
    0