Өзелгән гомерләр

Иртә белән таныш сукмаклардан

Ашыкты балалар мәктәпкә.

Дуслар көтә анда, “5”леләр һәм

Укытучы апа, әлбәттә.

Тик шатлану бушка булган икән,

Канлы булган майның унбере.

Сугышлар да инде күптән тынган...

Ник өзелде бала гомере?

Дәрес барган чакта килеп керде

Әллә нинди юньсез бер кеше.

"Кеше" дияргә дә телем бармый,

Җанкыяр ул, нурсыз бер вәхши.

Атты балаларга, кан коелды,

Күзен йомды мескен балалар. 

Мондый хәсрәтләрне күтәрергә

Ничек түзәр ата-аналар?

Ак чәчәктә бүген бар табигать,

Ә балалар – ап-ак кәфендә...

...Сез юк инде, ләкин сакланырсыз

Һәрберебезнең күңел түрендә.

Хәдичә Шәмсетдинова,

Яшел Үзән районы Ачасыр төп гомуми белем бирү мәктәбенең 6 нчы сыйныф укучысы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тимераяклар кайчан барлыкка килгән? Иң борынгы тимераякларны Швейцариядәге күл төбеннән табып алганнар. Алар сөяктән эшләнгәннәр, аякка бәйләп куяр өчен юка күн тасмалары да булган. XV гасырда Даниядә металл пластиналар беркетелгән агач...
    428
    0
    0
  • Баланың йокы урыны дөресме? Дөрес сайланган карават һәм матрас баланың йокысы әйбәт булсын өчен генә түгел, сәламәтлеге өчен дә бик мөһим.
    808
    0
    0