Карбызлы смузи

         Җиләк-җимеш кибетләрендә карбыз-кавын күренә башлады. Кояш кыздырган эссе көндә үзеннән-үзе карбыз ашыйсы килә башлый. Ул сусауны баса.  Карбыз һәм кавын сәламәтлек өчен бик файдалы. Алар организмны шлаклардан һәм токсиннардан чистарта. Кавында бәхет гормоны бүленеп чыгуга ярдәм итүче матдә бар. Кавын ашагач, кешенең кәефе күтәрелә. Ул иммунитетны да ныгыта, матдәләр алмашын да яхшырта. Кавынның төшендә цинк бар, җимеше тимергә бай.  Карбызда исә җиңел үзләштерелә торган глюкоза һәм фруктоза шикәрләре бар. Шулай ук составында булган В, С, Р группасы витаминнары, кальций, тимер, магний, калий микроэлементлары да кеше организмы өчен файдалы. Гадәттә без карбызны үзен җимеш буларак кына ашарга өйрәнгәнбез. Тик карбыздан төрледән-төрле ризыклар әзерләргә, кышка кайнатмасын ясарга, катырырга да була икән.

Сезнең игътибарга – карбызлы смузи рецепты. Әлеге эчемлек С витаминына бай, шулай ук колорияле дә.

Кирәк булачак:

Карбыз – 250 гр.

Бакча җиләге – 100 гр.

Чөгендер – 50 гр.

Су – 50 мл.

 

Эш тәртибе:

1.Карбыз, бакча җиләге, чөгендерне юабыз.

2. Карбызны кабыгыннан чистартабыз. Орлыкларын алып, карбызны шакмаклап турыйбыз.

3. Чөгендернең кабыгын чистартып, бер өлешен шакмаклап турыйбыз.

4. Карбыз, чөгендер кисәкләрен, бакча җиләген савытка салабыз, су өстибез. Барлык ингредиентларны да блендер ярдәмендә яхшылап изәбез.

Смузи әзер дә. Стаканны табынга бөтнек, лимон белән бизәп бирергә була.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Шундый матур «өрәк» Хәбәрчебез Галия Сабирова Казан зоопаркында яшәүче җәнлекләр белән таныштыруын дәвам итә. Бүген ул «өрәк» янында. Тик куркырга кирәкми, «өрәк» дигәнебез ул – лемур.
    49
    0
    0