«Панчо» торты

Бик тә тәмле торт  пешерергә өйрәнәсегез киләме? «Панчо» торты нәкъ менә шундый – тәмле һәм тиз дә өлгерә.

 

Аның өчен менә ниләр кирәк булачак:

Камыр өчен

3 йомырка

1 стакан шикәр комы

1 кап камыр көпшәкләндергеч

3 аш кашыгы 30%лы каймак

2 бал кашыгы какао

Ярты банка куертылган сөт

Чама белән он

Крем өчен:

1 стакан шикәр комы

30%лы каймак

 

Эш барышы:

Йомырка, камыр көпшәкләндергеч, шикәр комын салып, яхшылап туглыйбыз. Какао, каймак, куертылган сөт салып, он өстәп болгатабыз. Куе каймак кебек камыр килеп чыгарга тиеш. Әзер массаны табага салып, кызган мичтә 20-25 минут пешереп алабыз. Камыр пешкән арада, крем әзерлибез. Крем өчен каймакны шикәр комы белән кушып, бик яхшылап болгатабыз.

Пешеп чыккан тортны пычак ярдәмендә өлешләргә бүләбез. Крем белән аралаштырып, тортны бер формада өябез. Өстенә вакланган печенье яки сыек шоколад сибәргә була. Төрле җиләк-җимешләр белән бизәсәң, тагын да матур килеп чыга.

 

Чәйләрегез тәмле булсын!

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Кызлар гимназиясе “Сабантуй” укый! Казан шәһәренең Фатиха Аитова исемендәге 12 кызлар гимназиясендә белем алучылар – «Сабантуй» журналына актив язылучылар. 2022 елның беренче яртыеллыгына да гимназиядән 70 тән артык укучы альтернатив язылуда катнашты.
    86
    0
    2
  • Һәр көнең бәйрәм булсын! «Сабантуй» журналының декабрь саны белән һәр көнегез бәйрәмгә әвереләчәк! Чөнки бу санда якынлашып килүче 2022 елның иң күңелле бәйрәмнәре һәм истәлекле даталары тупланган.
    135
    0
    0