14 яшькә кадәр гөмбә ашарга ярамый

Роспотребнадзор 14 яшькә кадәрге балаларга гөмбә ашатмаска киңәш итә, чөнки аның белән агулану ихтималы зур. “Ел саен Россиядә меңнән артык кеше гөмбә ашап агулана, үлүчеләр дә бар. Агулануны сәламәтлекләре какшаган кешеләр һәм балалар бигрәк тә авыр кичерә”, - ди белгечләр.

Күпләр гөмбә җыя белми. Роспотребнадзор киңәш иткәнчә, гөмбәне юл буйларыннан һәм торак пунктлар янында җыярга ярамый. Шунысы да бар: гөмбәне пакет яки чиләккә түгел, кәрҗингә җыю хөерлерәк. Ә аны әзерләү алдыннан 10 минут пешереп алу зарур.