Ак аюлар юкка чыгарга мөмкин

Галимнәр чаң суга: 2100 елга ак аюлар Җир йөзеннән юкка чыгарга мөмкин. Барысына да глобаль җылыну гаепле. Аюларга ризык табу өчен боз катламының нык булуы кирәк. Ә арктика бозлыклары эрүен дәвам итә. Аюларның ашарларына җитми, әни аюлар ач, аларның балаларын имезергә сөтләре дә юк, дип аңлата галимнәр. Шулай да ак аюларны саклап калу мөмкинлеге бар икән әле. Моның өчен, бөтен дөнья берләшеп, глобаль җылынуны туктату юлларын табарга тиеш.